मनोचिकित्सा तथा परामर्श · काठमाडौं
मन हलुका बनाउन, सँगै पाइला चालौं।
मन दुख्दा, डर लाग्दा वा रातभर निद्रा नलाग्दा एक्लै सहनुपर्छ भन्ने छैन। हाम्रा मनोचिकित्सकले तपाईंलाई पहिले सुन्छन्, अनि सँगै बसेर उपयुक्त बाटो छान्छन्। काठमाडौंको क्लिनिकमा, वा नेपाल र विदेशबाट अनलाइन, नेपाली भाषामा।
संक्षेपमा
- रिफरल वा निदान चाहिँदैन। सिधै फोन वा व्हाट्सएप गर्नुहोस्।
- डा. कुशल खरेल नेपाल मेडिकल काउन्सिलमा दर्ता भएका मनोचिकित्सक हुनुहुन्छ।
- क्लिनिकमा वा अनलाइन परामर्श, विदेशमा बस्ने नेपालीका लागि पनि।
- तपाईंको जानकारी गोप्य रहन्छ।
हामी कसलाई सहयोग गर्छौं
- डिप्रेसन, उदासी र केही गर्न मन नलाग्नु
- चिन्ता, डर, प्यानिक अट्याक र अति सोच्ने बानी
- ओसीडी: अनावश्यक विचार र बारम्बार गरिरहने बानी
- अनिद्रा र निद्राको समस्या
- आघात (ट्रमा), शोक र पोस्ट-ट्रमाटिक स्ट्रेस
- रक्सी, सूर्तीजन्य पदार्थ र लागूपदार्थको लत
- बाइपोलार र स्किजोफ्रेनियाजस्ता गम्भीर मानसिक रोग
- बालबालिका र किशोरकिशोरीको मानसिक स्वास्थ्य, ADHD र अटिजम
- स्मरणशक्ति कमजोर हुनु र वृद्धावस्थाको मानसिक स्वास्थ्य
- तनाव, कामको थकान, परीक्षाको दबाब र सम्बन्धमा समस्या
प्रत्येक विषयबारे विस्तृत जानकारी अंग्रेजीमा यहाँ पढ्न सकिन्छ। नेपालीमा पढ्न डिप्रेसन, चिन्ता रोग, लत र दुर्व्यसन र मानसिक स्वास्थ्यका लक्षण हेर्नुहोस्।
हाम्रा चिकित्सक
डा. कुशल खरेल
MD साइकियाट्री (KIST मेडिकल कलेज) · MBBS (जलालाबाद मेडिकल कलेज)
भाषा: नेपाली, अंग्रेजी, हिन्दी, बंगाली
NMC नं. 27199
डा. भीष्म के.सी.
MD साइकियाट्री (KIST मेडिकल कलेज) · MBBS (नेपाल मेडिकल कलेज)
भाषा: नेपाली, अंग्रेजी, हिन्दी
NMC नं. 21985
सुरु कसरी गर्ने
- सन्देश वा फोन गर्नुहोस्। व्हाट्सएप वा फोन +977 971-4556408 मा आफ्नो समस्या छोटकरीमा भन्नुहोस्।
- समय छान्नुहोस्। क्लिनिकमा आउने वा अनलाइन, जुन सजिलो हुन्छ। विदेशबाट भए आफ्नो देशको समय अनुसार।
- पहिलो भेट। चिकित्सकले सुनेर बुझ्छन्, अनि सँगै योजना बनाइन्छ। थप जानकारी पहिलो भेटमा के हुन्छ मा।
अनलाइन बुकिङ फारम खोल्नुहोस्: सेवा र चिकित्सक छान्नुहोस्, आफ्नो समय क्षेत्रमा समय रोज्नुहोस् र व्हाट्सएपमा पठाउनुहोस्।
शुल्क
| परामर्श सहितको छोटो कन्सल्टेसन | रु. १,५०० |
|---|---|
| CBT, CBT with ERP वा सिस्टेमेटिक डिसेन्सिटाइजेसन | रु. २,५०० |
| पूर्ण परामर्श सत्र | रु. २,००० |
बुकिङ गर्दा नै शुल्क पुष्टि गरिन्छ, त्यसैले पछि अलमल हुँदैन। ERP (एक्सपोजर एन्ड रेस्पोन्स प्रिभेन्सन) ओसीडीमा प्रयोग हुने CBT को विधि हो।
विदेशमा बस्ने नेपालीका लागि
खाडी, मलेसिया, कोरिया, जापान वा अन्य जुनसुकै देशमा हुनुहुन्छ भने पनि नेपालीमै आफ्ना कुरा राख्न सक्नुहुन्छ। गुगल मिट वा व्हाट्सएप भिडियोबाट परामर्श हुन्छ। औषधि चाहिएमा तपाईंको देशको नियम अनुसार स्थानीय चिकित्सकसँग समन्वय गर्न सकिन्छ।
देश छान्नुहोस्: कतार · यूएई · साउदी अरब · कुवेत · ओमान · बहराइन · मलेसिया · दक्षिण कोरिया · जापान · अस्ट्रेलिया · अमेरिका · सबै देश
खाडीमा काम गर्नेका लागि: निद्रा, गर्मी, लामो ड्युटी र एक्लोपन (अंग्रेजीमा)।
नेपालीमा लेखहरू
डिप्रेसन, चिन्ता, प्यानिक अट्याक, ओसीडी, अनिद्रा, लत, ADHD, अटिजम, शोक, आघात र विदेशबाट अनलाइन परामर्श कसरी लिने भन्नेबारे ५० वटा नेपाली लेख पढ्नुहोस्।
निःशुल्क उपकरण
मन अशान्त हुँदा श्वास अभ्यास, भावना चक्र, नियन्त्रणका घेरा र दैनिक चेक-इन प्रयोग गर्न सक्नुहुन्छ। तपाईंले लेखेको कुरा तपाईंकै उपकरणमा मात्र रहन्छ।
बारम्बार सोधिने प्रश्न
मनोचिकित्सकलाई भेट्न रिफरल चाहिन्छ?
चाहिँदैन। तपाईं सिधै फोन वा व्हाट्सएप गरेर समय लिन सक्नुहुन्छ। निदान थाहा हुनु पनि जरुरी छैन।
पहिलो भेटमा के हुन्छ?
चिकित्सकले पहिले ध्यानपूर्वक सुन्नुहुन्छ। तपाईंको समस्या, निद्रा, काम वा पढाइ, परिवार र स्वास्थ्यको इतिहासबारे सोधिन्छ। त्यसपछि के भइरहेको हो र के-के विकल्प छन्, सरल भाषामा बुझाएर सँगै योजना बनाइन्छ।
औषधि खानै पर्छ?
पर्दैन। औषधि सधैं आवश्यक हुँदैन। परामर्श, थेरापी, जीवनशैलीमा परिवर्तन वा यी सबै मिलाएर उपचार गरिन सक्छ। औषधि सुझाइयो भने किन, कति समयसम्म र सम्भावित असरबारे बताइन्छ।
मेरो कुरा गोप्य रहन्छ?
रहन्छ। तपाईंको सहमतिबिना परिवार वा अरू कसैलाई जानकारी दिइँदैन। तपाईंको वा अरू कसैको ज्यान जोखिममा भएको अवस्थामा मात्र अपवाद हुन सक्छ।
विदेशमा बस्ने नेपालीले अनलाइन परामर्श लिन सक्छन्?
सक्छन्। गुगल मिट वा व्हाट्सएप भिडियोबाट नेपाली वा अंग्रेजीमा परामर्श हुन्छ। तपाईंको देशको समय अनुसार समय मिलाइन्छ, र नेपालमा रहेका परिवारले पनि बुकिङमा सहयोग गर्न सक्छन्।
परिवारका सदस्यलाई साथमा ल्याउन मिल्छ?
मिल्छ। चाहनुभयो भने पूरै वा केही समयका लागि परिवारका सदस्य सँगै बस्न सक्छन्। एक्लै आउन चाहनुहुन्छ भने त्यो पनि हुन्छ।
के यो आपत्कालीन सेवा हो?
होइन। तत्काल खतरा भए प्रहरी १००, एम्बुलेन्स १०२ वा आत्महत्या रोकथाम हेल्पलाइन ११६६ मा सम्पर्क गर्नुहोस्, वा नजिकैको अस्पतालको आकस्मिक कक्षमा जानुहोस्।
सम्पर्क र क्लिनिक
- देव प्लाजा, न्यूरोड, काठमाडौं
- कलंकी, मालपोटको छेउमा, काठमाडौं
- फोन / व्हाट्सएप: +977 971-4556408
खुल्ने समय पक्का गर्न पहिले फोन गर्नुहोस्।
यो पृष्ठको जानकारी सामान्य जानकारी मात्र हो र चिकित्सकको सल्लाहको विकल्प होइन।
आपत्कालीन अवस्थामा: प्रहरी १०० · एम्बुलेन्स १०२ · आत्महत्या रोकथाम हेल्पलाइन ११६६। नेपाल बाहिर भए आफ्नो देशको आपत्कालीन नम्बरमा फोन गर्नुहोस्।